Поради небезбедност повлечена млечната храна за доенчиња од „Селија“

Агенцијата за храна и ветеринарство соопшти дека од пазарот ќе бидат повлечени дел од производите за млечна храна за доенчиња од францускиот производител „Селија“ по информациите за нивна небезбедност добиени од Системот за брзо информирање и управување со небезбедна храна на ЕУ.

„Преку апликацијата RASFF Window системот на ЕУ, во неколку наврати добиена е информација за небезбедна храна. Предмет на оваа нотификација е небезбедна млечна храна за доенчиња, увезена од Франција“, наведуваат од Агенцијата.

Од таму информираат дека повлечени се производот за доенчиња од 0 до 6 месеци Celia Expert 1400гр. со лот 16С0012133, производот за доенчиња од 0 до 6месеци Celia Expert 1400гр. со лот. 17С0012823, производот за доенчиња од 6 до 12месеци Celia Expert 2400 гр. со лот 16С0010488, производот наменет за доенчиња од 6 до 12 месеци Celia Expert 2400гр. со лот 17С0012838, потоа производот Celia Prema 400гр. со лот 16С0010750, производот Celia Prema 400гр. со лот 17С0013095, производот за доенчиња од 0 до 6 месеци Celia Digex 400гр. со лот 16С0010821 како и производот за доенчиња од 0 до 6 месеци Celia Digex 400гр. со лот 17С001806.

Потрошувачите кои веќе ги купиле овие производи не треба да ги консумираат и истите можат да ги вратат на местото каде што ги купиле, посочуваат од Агенцијата за храна и ветеринарство.

Извор Мета

Сподели